Plattdeutsche Bildungsangebote 2021

 

Plattdüütsch wull ik al jümmers mal lehren

De Plattdüütsch-Frünnen ut de Region vun'n Lümborgschen Landschapsverband gaht ganz optimistisch in dat ne'e Johr. All tosamen wüllt dorför sorgen, dat noch mihr Lüüd Plattdüütsch snacken doot. In'n Bildungsflyer 2021 hebbt wi en Anbott vun Kursen sammelt.

Finnen kann een Kursen to'n Schrieven or Snacken. Ok Fortbillen för Schoolmesters or Lüüd, de in'n Kinnergoorn wat mit de ganz Lütten op Platt maken wüllt, sünd dorbi. Nee sünd Kreativ-Kurse op Platt, en beten so, as een dat ok in uns Kreativwarksteed finnen deit. In'n Harvst 2021 künnt Grootöllern mit jümehr Grootkinner plattdüütsche Feriendaag in Harmsborg verbringen. Un wiel Plattdüütsch un digitale Medien wunnerbor tosamen passen doot, gifft dat in'n November weer en Kurs "Actionbound op Platt".

Wokeen sik al jümmers vörnummen hett, Plattdüütsch to lehren or faken mal Plattdüütsch to snacken, de kann gau nalesen, wat dat Deelnehmen köst, wo dat stattfinnen deit un wo sik een anmellen kann.

Den Flyer kann een ganz eenfach mit en "Klick" rünnerladen or bi uns per E-Mail bestellen.

Download Programmflyer "Bildungsangebote 2021".

Platt lehren in't Internet - för Plattsnackers un de dat warrn wüllt

Dat Lännerzentrum för Nedderdüütsch laadt to Plattdüütschstünnen per Webinar in. Dat LzN freit sik op Interesseerte, de de Spraak sülvens öven oder wat över de Spraak to weten kriegen wüllt. Mit Computer, Headset un lütte Kamera maakt sik all tosamen op Endeckungsreis dörch dat Plattdüütsche. De LzN-Webinare sünd kostenfree. Se warrt finanziell stütt vun de Beopdragde vun de Bunnesregeren för Kultur un Medien.

Dat Progamm kann hier ankeken warrn.