Plattdeutsche Bildungsangebote 2022

 

Plattdüütsch wull ik al jümmers mal lehren

De Plattdüütsch-Frünnen ut de Region vun'n Lümborgschen Landschapsverband gaht mit grode Plaans in dat ne'e Johr. All tosamen wüllt dorför sorgen, dat noch mihr Lüüd Plattdüütsch snacken doot. In'n Bildungsflyer 2022 hebbt wi en Anbott vun Kursen sammelt.

In Januar geiht dat glieks mit den Kurs "Actionbound op Platt" los, denn Plattdüütsch un digitale Medien passt wunnerbor tosamen.

Finnen kann een Kursen to'n Philosopheren un Snacken. Ok Fortbillen för Schoolmesters or Lüüd, de in'n Kinnergoorn wat mit de ganz Lütten op Platt maken wüllt, sünd dorbi.

De Fortbildungs-Klassiker "Schoolmesterdag" un "Wi maakt mit... Platt in'n Kinnergoorn" hebbt al faste Terminen för 2022 un staht in'n Harvst weer op dat Programm vun'n Lümborgschen Landschapsverband.

In den Flyer kann een nalesen, wat dat Deelnehmen köst, wo wat stattfinnen deit un wo een sik anmellen kann.

Mit en "Klick" kann een sik den Flyer ganz gau rünnerladen. Anner is de Flyer bi uns per E-Mail to bestellen.

Download Programmflyer "Bildungsangebote 2022".

Platt lehren in't Internet - för Plattsnackers un de dat warrn wüllt

Dat Lännerzentrum för Nedderdüütsch laadt to Plattdüütschstünnen per Webinar in. Dat LzN freit sik op Interesseerte, de de Spraak sülvens öven oder wat över de Spraak to weten kriegen wüllt. Mit Computer, Headset un lütte Kamera maakt sik all tosamen op Endeckungsreis dörch dat Plattdüütsche. De LzN-Webinare sünd kostenfree. Se warrt finanziell stütt vun de Beopdragde vun de Bunnesregeren för Kultur un Medien.

Dat Progamm kann hier ankeken warrn.