Fortbildung "Actionbound op Platt" am 18. November 2020

 

Medienpädagogik und Plattdüütsch

Oder

Mit Schülern digital und "op Platt" auf Rallye gehen

Wi glövt, dat Plattdüütsch för junge Lüüd denn intressant warrt, wenn se dat mit modern Methoden lehren künnt. En Weg is de Kombinatschoon ut Plattdüütsch un digitale Medien. Butendem is dat jümmers goot, wenn een mit Schölers ok vör de Döör gahn un buten lehren kann.

Mit dat Speel "Actionbound" künnt Schölers ne'e Medien nutzen, buten aktiv ween un in'n Team arbeiden. Op't best is aver, dat de Schölers sik dorbi mit Spraak un Kultur in jümehr Sozialruum beschäftigen doot.

Mit de App Actionbound kann en "interaktiven plattdüütschen Rundgang" (Schnitzeljagd) maakt warrn, to'n Bispeel för den Schoolort. Aver ok Rallyes to utsöcht Themen (Natur, Museum, Heimatkunn, Politik usw.) warrt jümmers giern speelt.

Actionbound hett 2016 den Düütschen Bildungsmedien-Pries kregen.

Wegen Corona schall de Fortbillen online stattfinnen.

Bi den Schoolmesterdag an'n 8. Oktober hebbt wi "Actionbound op Platt" al vörstellt. Hier kann een allens noch mal nalesen.

Deelnehmers schullen op de technischen Vorutsetten achten. De sünd in de Inladen för den 18. November to finnen. Anmellen kann een sik bit to'n 10. November.