Actionbound op Platt - Workshop am 18. Januar 2022

 

Medienpädagogik und Plattdüütsch

Oder

Mit Schülern digital und "op Platt" auf Rallye gehen

Jümmer mihr Lüüd gaht digital op Rallye un nutzt dorför de Actionbound-App. Ok Lüüd ut de Tourismus-Branche entdeckt jüst dat Speel för Touren dör Städer un dör de Natur.

Mit dat Speel "Actionbound" künnt Schölers ne'e Medien nutzen, buten aktiv ween un in'n Team arbeiden. Op't best is aver, dat de Schölers sik dorbi mit Spraak un Kultur in jümehr Sozialruum beschäftigen doot.

Mit de App Actionbound kann en "interaktiven plattdüütschen Rundgang" (Schnitzeljagd) maakt warrn, to'n Bispeel för den Schoolort. Aver ok Rallyes to utsöcht Themen (Natur, Museum, Heimatkunn, Politik usw.) warrt jümmers giern speelt.

Actionbound hett 2016 den Düütschen Bildungsmedien-Pries kregen.

De Lümborgsche Landschapsverband verkloort an'n 18. Januar 2022 in en Workshop wo een Touren op Platt gestalten un för anner Lüüd to Verfügung stellen kann.

Actionbound kann een mit Schöler un Schölerinnen vun Klass veer an speelen.

Hier kann een de Inladen för de Fortbillen an'n 18. Januar 2022 finnen.