Kreativwarksteed op Platt

Kreativ ween un Platt lehren or kort seggt: Kreativwarksteed op Platt!

De Lümborgsche Landschapsverband hett de letzt Weeken nutzt un is kreativ ween. Tosamen mit Rike Henties, Plattdüütschkoordinatorsche vun'n Landkreis Horborg, sünd lüttje Videos maakt worrn, de nu na un na op uns Homepage ankeken warrn künnt.

De Videos künnt sik ok Lüüd ankieken, de noch keen Platt snackt. En lütt beten Hochdüütsch warrt dor ok snackt un dat gifft en beten Help mit Wöörlisten op Platt. Plietsche, lüttje, groot, jung un oolt Lüüd künnt achteran ok noch Radels maken und dorbi Platt lehren.

In Kooperation mit:

Seep maken

Sülvst maken is Trend! Platt snacken ok! Un wat kunn een in disse Tiet beter maken as Seep!

Hier kann een sik dat Video ankieken un ok gliek losleggen:

Dat Radel dorto kann een hier rünnerladen.

Neihen: Feddertasch un Ümslag kann jeedeen bruken

Wieder geiht mit de "Kreativwarksteed op Platt". Hier warrt wiest, wo een sülvst praktische Saken neihen kann:

Un en Radel gifft dat ok dorto!

Makramee

In dat drütte un veerte Video vun "Kreativwarksteed op Platt" geiht dat üm "Makramee". Makramee is en Knütt-Technik un hett sien Traditschoon in'n Orient. De Krüüzritter hebbt dat mit na Europa bröcht. Mancheen Plattsnacker hett ok al in de 70er Johren Makramee maakt. Hüüt is dat weer bannig anseggt Makramee to knütten. Deswegen gifft dat twee Videos mit verscheden Ideen, wat een ut Makramee maken kann. Villicht kummt dor ja ok en Geschink bi rut.

Dat Radel dorto finnt een hier.

Melktüten

To'n Klütern bruukt een nich jümmers veel Saken. Un düer mutt dat ok nich ween. Melktüten or Safttüten (Tetrapack) sünd in jeedeen Huusholt to finnen. Wi wiest in dit Video ut uns Reeg "Kreativwarksteed op Platt", wo een ut disse Tüten praktisch Saken maken kann. Un Spaaß maakt dat ok noch.

Wokeen dat Video ankeken hett, de kann seker ganz licht dat Radel maken.

Scheunschrieven

Plattdüütsch snacken kunn jeedeen, wenn he dat denn man proberen un jeden Dag öven dee. Mit dat "Scheunschrieven" is dat ok so, dat kann jeedeen. Blots utproberen un öven mutt man dat. Wat dorbi rutkummt? Wunnerscheun Saken, de man bannig goot verschinken kann.

Un achteran kann een ok noch dat Radel maken.

Behelfsmaske sülvst neihen

De "Niedersächsische Lotto-Sport-Stiftung" hett en Anleiten to'n Neihen vun en Corona-Behelfsmaske in Hochdüütsch schreven und disse Anleiten in teihn anner Spraaken översett. Dat Projekt schall uns all opropen solidarisch to ween un in Alldag en Maske to dregen. So künnt wi ok anner Lüüd schützen.

De Lümborgsche Landschaftsverband hett de Anleiten in't Plattdüütsche översett. An Enn finnt een en Grußkoort. Wenn een solidarisch ween müch, kann een de Koort wunnerbor mit en Maske an Frünnen un anner Lüüd verschinken.

De Anleiten kann een hier rünnerladen.

© Rike Henties